عبدالشکور پٹھان

 شکور پٹھان کا تعارف خود ان کی زبانی :روداد کچھ یوں ہے کہ میرا پورا نام عبدالشکور پٹھان ہے. کراچی میں پیدا ہوا. گورنمنٹ کامرس کالج سے بی کام کیا. مادری زبان کوکنی ہے جس سے بہت کم لوگ واقف ہیں. ۱۹۷۵سے بسلسلہ روزگار بیرون ملک ہاں کراچی میں گلشن اقبال میں رہائش ہے. دوبئی میں ملازمت کرتا ہوں اور گھر شارجہ میں ہے.ہر سال کراچی جاتا ہوں لیکن پچھلے ڈھائی سال سے کچھ ایسے حالات ہوئے کہ کراچی نہ جاسکا. اور یہی وجہ بنی اس بلاگ کے شروع کرنے کی.مطالعہ کا شوق ہے لیکن لکھنے کا اس سے پہلے کوئی تجربہ نہیں تھا. کراچی کے حالات پر دل کڑھتا تھا اور وہ دن یاد آتے تھے جب یہ شہر پرسکون اور محبت اور رواداری کا گہوارہ تھا ابتدا میں کچھ مختصر سا تبصرہ کرتا تھا اپنے فیس بک پیج پر. احباب نے اسے پذیرائی بخشی تو اسے باقاعدہ سوچ سمجھ کے لکھنا شروع کیا. یہ کوئی معلوماتی مضامین نہیں. صرف میری مبہم سی یاد داشتیں اور تاثرات ہیں ان ہستیوں کے بارے میں جو میرے شہر کیلئے باعث افتخار ہیں.یہ ہے میری مختصر سی داستان.کہیں یہ بھی دبی ہوئی خواہش کہ میرے شہر کراچی کے اچھےدنوں کو یاد کرکے شاید کسی کے دل میں اس شہر کی محبت جاگے اور وہ اپنی بساط کے مطابق اس شہر کی کھوئی ہوئی رونقیں بحال کرنے میں اپنا کردار ادا کرسکے.والسلامدعاؤں کا طالب.شکور پٹھان

Subscribe

Thank you! Your submission has been received!

Oops! Something went wrong while submitting the form