دیدبان شمارہ ۱۳

نظم : کرونا  اب چلے جاؤ              

فرحین  چودھری

کرو نا اب چلے جائو

اجاڑ ی بستیاں تم نے

ہوا وٗں کو رلایا ہے

کیا ہے زیر انساں کو خدائی کا گماں

دل میں لئے ۔۔۔

خدا کو بھول بیٹھا تھا

قام اپنا گنوا بیٹھا

دلایا یاد اب تم نے کہ

فانی ہے جہاں سارا

ہے سارا کھیل سانسوں کا ۔ ۔

مداری کا تماشا ہے یہی دو چار پل اپنے

ہوا ئوں میں اڑے جتنا مگر

[ ] خاکی تو خاکی ہے

کرو نا تم بھی آئے ہو

اسی یزداں کے کہنے پر جسے ہم سب بھلا بیٹھے ہمیں بھیجا گیا تھا کیوں ۔

ہمیں کس سمت جانا تھا

!کوئی وعدہ نبھانا تھا

ذرا ناراض ہے ہم سے جھنجھوڑا ہے ہمیں اس نے ۔دلائے یاد ہیں وعدے

کرو نا شکریہ تیرا

بہت کچھ یاد آیا ہے

کوئی مبحوس ہوتا ہے تو کیا محسوس ہوتا ہے

جو پھیلیں موت کے سائے

یا جیون لاک ٹائون ہو

ہر اک رستے پہ جب خوف کا آسیب پھرتا ہو

جسے ناموں اور نسلوں کی کوئی پہچان ہی نہ ہو

تو دل پر کیا گزرتی ہے ؟

بہت نادم ہے شائید اب یہ نائب

گڑگڑاتا ہے

ہے سجدہ ریز اےخالق ۔ !!

تیری مخلوق ہے ساری

یہ ناداں بے وقوف انساں ۔

تیری شفقت تیری طاقت کے آگے پیچ ہیں سارے

مگر اس موت کئ چادر تلے ۔۔۔

ہر روز کتنے پھول کھلتے ہیں

نئی قلقاریاں آواز دیتی ہیں ۔

فضائوں میں رچی خوشبو یہ نیلا آسماں پیغام دیتے ہیں

وہ جلدی مان جائے گا

ذرا سا امتحاں لے کر

وہ جلدی مان جائے گا

--------------------------

فرحین چوہدری

فرحین چودھری ۔ پرانا نام شہابہ گیلانی

ایم اے انٹرنیشنل رلیشنز ۔ قائد اعظم یونیورسٹی اسلام آباد

افسانوی مجموعے :

سچے جھوٹ

آدھا سچ

میٹھا سچ

شوگر کوٹڈ

مفتی جی اور میں " یاداشتیں حال ہی میں شائع ہوئی-

بہت سی سماجی اور ادبی تنظیوں سے وابستہ ہیں ۔

سرپرست اور بانی LACS لٹریری و کلچرل سانڈیکیٹ فورم ۔

ان کی ادبی خدمات پر سارک لٹریری ایوارڈ 2013 سے نوازا گیا ۔

2019 میں سوچ ایکسیلنس ایوارڈ بھی دیا گیا ۔

ممتاز مفتی گولڈ میڈل برائے ادب حاصل کیا

ریشم ایوارڈ 2014 میں پیش کیا گیا ۔

نظریہ پاکستان کونسل کی جانب سے 2016 میں ادبی ایوارڈ سے بھی نوازا گیا ۔

فرحین چوہدری کا ایک بڑا حوالہ فنون لطیفہ ہے - بے شمار ٹیلی فلمز ڈراموں پر بطور ڈائریکٹر پروڈیوسر اور سکریپٹ رائیٹر فرائض سر انجام دے چکی ہیں ۔اور ابھی بھی سیریلز اور ڈاکومنڑریز پر کام کر رہی ہیں بہت سی انٹرنیشنل اور نیشنل اردو ادبی کانفرنسز میں شمولیت کر چکی ہیں

چار کتابیں جو یاد داشتوں او خاکوں پر مشتمل ہیں اور ایک ناول زیر ترتیب ہیں ۔

Related Posts

Subscribe

Thank you! Your submission has been received!

Oops! Something went wrong while submitting the form