دیدبان شمارہ ١٢

نعت رسول اللہ ﷺ .....  زمان ملک

.

سوچا ہے جہاں جس آن ان کا

دل پر بنا اک نشان ان کا

.

میں کاش انہیں کو دیکھ سکتا

جن  نے کہ سنا بیان ان کا

.

کانپا ہے قلم لرز اٹھا ہاتھ

کیا لکھوں گا میں بیان ان کا

.

ہر کشتئ دل چلے مدینہ

مل جائے جو بادبان ان کا

.

اب چشمِ زمانہ وا ہو بن جائے

ہر خانہء دل مکان ان کا

.

کیا دھوپ اسے جلا سکے گی

جس کو ملا سائبان ان کا

.

اس پر کھلے سرِ  علمِ  توحید

بن جائے جو نقطہ دان ان کا

.

دل تنگ ہوں تنگئی فلک سے

یا رب دے اب آسمان ان کا

.

زمان ملک

-----------------------

نعت نبی  صلی اللہ علیہ وسلم ﷺ

وقت سے اونچا  .....  زمان ملک

.

میں نے اس کو وقت میں دیکھا

جما ہوا پوری قوت سے

اونچا، سب سے اونچا

بالکل واضح صاف نظر آتا ہوا

اس کا ذکر اس سے پہلے تها

آتے زمانوں میں

اس کی پوروں

سے بہتے آتے لمحوں میں

صدیاں جاگیں، دھول سے نکلیں

اس کے نام کی خوشبو سے

گهر، گلیاں مہکیں

اس کا ذکر اس سے پہلے تها

جس کی باتیں

بکهرے، بکھرتے قطروں کو

ترتیب میں لاتیں

دریا دریا ایک سمندر تک لے جاتیں

سن لو جو موجود ہو

جو موجود نہیں ہو

تم بھی سن لو

یہ کوئی وہم نہیں تھا

اس نے جو بھی کہا تھا

مجھ سے کہا تھا

میں موجود نہیں تھا

سب سے کہا تھا

جو موجود نہیں ہیں ان سے کہنا

مجھ سے

تم سے

وقت میں جس کو

سب نے دیکھا

سارے وقتوں سے

اونچا ہے

دیکھو

صاف نظر آتا ہے-

زمان ملک

ZamaN Malik

poet

Former Director of News at

Associated Press of Pakistan (APP)

Lives in

Islamabad, Pakistan



Related Posts

Subscribe

Thank you! Your submission has been received!

Oops! Something went wrong while submitting the form